Արդյունավետ դիետա «Վեց թերթիկ»

«Վեց  թերթիկ» մեթոդը համարվում է ամենարդյունավետ և անվտանգ դիետաներից մեկը: Այն շվեդ դիետոլոգի կողմից է մշակվել, և արդեն հասցրել է շատ կանանց հավանությանն արժանանալ: Դիետան կոչվում է «6 թերթիկ», քանի որ դիետայի 1 շրջանը բաղկացած է 6 օրից:

Մինչև  սկսելը թղթի վրա նկարում ենք դիետան` ծաղկի տեսքով: Այն անպայման պետք է 6 թերթ ունենա, որոնք կխորհրդանշեն դիետայի յուրաքանչյուր օրը: Թերթիկները պետք է պոկել ծաղկից ՝ համապատասխանեցնելով օրերին: Եթե արդեն բարեհաջող անցկացրել եք օրը` հետևելով դիետայի պայմաններին, կարող եք հպարտությամբ պոկել այդ օրվա դիետային համապատասխանող թերթիկը:

1-ին  օր-ձկնային

Ձուկը կարելի է խաշել, շոգեխաշել, ջեռոցում տապակել: Կարող եք նաև ապուր պատրաստել, բայց առանց կարտոֆիլի, միայն կանաչիով:

2-րդ օր-բանջարեղենային

Բանջարեղենը կարելի է օգտագործել հում, խաշած, շոգեխաշած վիճակում: Կարող եք նաև բանջարեղենային հյութեր խմել:

3-րդ օր-մսային

Օգտագործեք միայն հավի միս: Այն կարող է լինել խաշած, շոգեխաշած: Կարող եք նաև հավով ապուր պատրաստել:

4-րդ օր- հացահատիկային

Կարող եք ուտել յուրաքնաչյուր տիպի շիլա, հացահատիկեղեն: Կարող եք նաև ավելացնել կանաչի:

5-րդ օր-կաթնաշոռային

Կաթնաշոռը պետք է անյուղ լինի կամ ցածր յուղայնության: Կարող եք նաև կաթ օգտագործել:

6-րդ օր-մրգային

Կարող եք օգտվել յուրաքանչյուր մրգից: Օգտագործեք նաև մրգային հյութեր` առանց շաքարավազի:

Դիետայի ընթացքում լավ կանեք խուսափել  գազավորված  ըմպելիքներից, բացի հանքային ջրերից և կանաչ թեյից:

Զգուշացում` ոչ մի դեպքում չփոխել դիետայի օրերը: Արդյունավետությունը երաշխավորված է միայն դիետայի կանոններին խիստ հետևելու դեպքում:

Հարցեր, պատասխաններ, մեկնաբանություններ